இதழ் பரிசு

என் கவிதைக்கு
பரிசளிக்க நினைத்த அவள் - என்
விரல்களில் இதழ் பதித்தாள்...
பிறகுதான் நினைத்தேன்
பாடியிருக்கலாம் என்று..............

இதய தாஜ்மஹால்

பிரிந்து சென்ற காதலியை
நினைத்து வாழ்ந்துகொண்டிருக்கும்
ஒவ்வொரு ஆணின் இதயமும்
ஒரு தாஜ்மஹால் தான்.............

குயில் பாட்டு

குயிலின் பாட்டு அழகுதான் எனக்கு
அவளின் குரலை கேட்காதவரை......

வெட்கம்

உன்னிடம் காதலை சொல்ல வந்தேன்.....
உன் வெட்கத்தைப் பார்த்து
வெளிவரவில்லை என் காதல்
வெட்கப்பட்டு..................

பொய்

காதல் அழிவதில்லையாம்....
அது பொய்
அழிந்துவிட்டது என் தாய் மீதான காதல்
உன்னை பார்த்தவுடன்.................

நண்பன்

நண்பகல் சூரியனும் எனக்கு நண்பன் தான்
நீ என்னுடன் இருக்கையில்.....

அற்ப சுகம்

நீ என் கன்னத்தில் முத்தமிடும்போது
உன் மூச்சுக்காற்று வந்து தீண்டும்
அந்த அற்ப சுகத்திற்காக ஏங்குதடி
என் காது மடல்................

மச்சம்

அவளை படைத்தவுடன் அழகிலே மயங்கிய பிரம்மன்
பூமியில் யார்கண்ணும் பட்டுவிடகூடாது என்று
திருஷ்டிக்காக கன்னத்தில் மை வைத்து அனுப்பிவிட்டான்
மச்சமாக................

பெயர் ஒன்றே போதுமடி எனக்கு

உலகில் உள்ள கவிஞர்கள் அனைவரும்
என்னிடம் போட்டிக்கு வந்தாலும்
நான் அஞ்சமாட்டேன்....
உன் பெயர் ஒன்றே போதுமடி எனக்கு
அவர்களை நான் வெல்வதற்கு..............

தேவதை

தொலைந்துபோன
ஒரு தேவதையை கண்டுபிடிக்க
கடவுள் என்னை
பூமிக்கு அனுப்பினான்
நான்
என் தேடலை முடித்துக்கொண்டேன்
உன்னை பார்த்தவுடன்...!!!